ԻՐԱՎԱԿԱՆ ԹԱՐՄԱՑՈՒՄ
ՓԵՏՐՎԱՐ 2024
ՄԱՍ I. ՓՈՓՈԽՈՒԹՅԱՆ ԵՆԹԱՐԿՎԱԾ ԻՐԱՎԱԿԱՆ ԱԿՏԵՐ
1. ՀՀ ՕՐԵՆՔԸ «ԱՌԵՎՏՐԻ ԵՎ ԾԱՌԱՅՈՒԹՅՈՒՆՆԵՐԻ ՄԱՍԻՆ»
2. ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ՝ ՀՀ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՕԳՈՍՏՈՍԻ 15-Ի N 1080-Ն ՈՐՈՇՄԱՆ
ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
3. ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ՝ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2021 ԹՎԱԿԱՆԻ
ԴԵԿՏԵՄԲԵՐԻ 16-Ի N 2087-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
4. ՀՀ ՄՐՑԱԿՑՈՒԹՅԱՆ ՊԱՇՏՊԱՆՈՒԹՅԱՆ ՀԱՆՁՆԱԺՈՂՈՎԻ N 71-Ն ՈՐՈՇՈՒՄԸ՝ ՀՀ-ՈՒՄ
ԳՅՈՒՂԱՏՆՏԵՍԱԿԱՆ ԱՐՏԱԴՐԱՆՔԻ ՁԵՌՔԲԵՐՄԱՆ ՀԱՐԱԲԵՐՈՒԹՅՈՒՆՆԵՐՈՒՄ
ԲԱՆԱԿՑԱՅԻՆ ՈՒԺԵՂԴԻՐՔ ՈՒՆԵՑՈՂ ՁԵՌՔ ԲԵՐՈՂԻ ԵՎ ԻՐԱՑՆՈՂԻ
ԱՆՀՐԱԺԵՇՏ ՀԱՍՈՒՅԹԻ ՉԱՓԵՐԸ ՍԱՀՄԱՆԵԼՈՒ ՄԱՍԻՆ.
ՄԱՍ II. ՕՐԵՆԴՐԱԿԱՆ ՆԱԽԱԳԾԵՐ
1. ««ԴԵՂԵՐԻ ՄԱՍԻՆ» ՕՐԵՆՔՈՒՄ, «ԳՈՎԱԶԴԻ ՄԱՍԻՆ» ՕՐԵՆՔՈՒՄ
ԵՎ ՀԱՐԱԿԻՑ ՕՐԵՆՔՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ
ՄԱՍԻՆ ՕՐԵՆՔԻ ՆԱԽԱԳԻԾ
2. «ԻՆՏԵՐՆԵՏՈՎ ՀՐԱՊԱՐԱԿԱՅԻՆ ԵՎ ԱՆՀԱՏԱԿԱՆ ԾԱՆՈՒՑՄԱՆ
ՄԱՍԻՆ» ՕՐԵՆՔՈՒՄ ԼՐԱՑՈՒՄ ԿԱՏԱՐԵԼՈՒ ՄԱՍԻՆ
ՕՐԵՆՔԻ ՆԱԽԱԳԻԾ
3. ՔԱՂԱՔԱՑԻԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ
ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄ ԿԱՏԱՐԵԼՈՒ
ՄԱՍԻՆ ՕՐԵՆՔԻ ՆԱԽԱԳԻԾ
4. ՎԱՐՉԱԿԱՆ ԴԱՏԱՎԱՐՈՒԹՅԱՆ ՕՐԵՆՍԳՐՔՈՒՄ
ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ
ՕՐԵՆՔԻ ՆԱԽԱԳԻԾ
ՄԱՍ I. ՓՈՓՈԽՈՒԹՅԱՆ ԵՆԹԱՐԿՎԱԾ ԻՐԱՎԱԿԱՆ ԱԿՏԵՐ
Օրենսդրական ակտի անվանումը
ՀՀ ՕՐԵՆՔԸ «ԱՌԵՎՏՐԻ ԵՎ ԾԱՌԱՅՈՒԹՅՈՒՆՆԵՐԻ ՄԱՍԻՆ» ՕՐԵՆՔՈՒՄ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Փոփոխության կարգավիճակը
Սույն փոփխությունը ուժի մեջ է մտնում հրապարակումից երեք ամիս հետո՝ այն է, 06.05.2024: Օրենքի 2-րդ հոդվածով
լրացվող՝ Օրենքի 15.12-րդ հոդվածի 1-ին մասով սահմանված ժամկետները մինչև օրենքն ուժի մեջ մտնելը ծագած
պարտավորությունների դեպքում հաշվարկվում են սույն օրենքն ուժի մեջ մտնելու օրվանից:
Ինչին են վերաբերում փոփոխությունները
Սույն փոփոխությամբ՝
- սահմանվել են առևտրային ցանցի և մատակարարների հարաբերությունների ընդհանուր պահանջներ,
- ամրագրվել է առևտրային ցանցի պաշտոնական ինտերնետային կայքում հրապարակման ենթակա տեղեկատվության ցանկ,
- նախատեսվել են մատակարարի ապրանքի ընտրության չափանիշները և պայմանները, նոր մատակարարների մուտքն առևտրային ցանց,
- հստակեցվել է առևտրային ցանցի հետ կնքվող պայմանագրի էական պայմանները,
- նախատեսվել է ապրանքների ցուցադրման պայմաններն առևտրային ցանցում, այդ թվում՝ ապրանքների գովազդման, ակցիաների իրականացման, արտոնությունների սահմանման կամ ապրանքների առաջխաղացմանն ուղղված այլ միջոցառումների իրականացման պայմաններ և կարգ:
Օրենքի ընդունումը պայմանավորված էր այն հանգամանքով, որ անհրաժեշտություն է առաջացել հավասարակշռելու առևտրային ցանցերի և մատակարարների շահերը, զսպելու հնարավոր ռիսկերը և ապահովելու բարեխիղճ, արդար և մրցակցային միջավայր։
Օրենքի ընդունման արդյունքում ակնկալվում է ստեղծել անհրաժեշտ, կանխատեսելի և որոշակի օրենսդրական հիմքեր առևտրային ցանց-մատակարարներ հարաբերությունների, ինչպես նաև գյուղատնտեսական արտադրանքների իրացման շուկայի համար, որոնք կնպաստեն արդար առևտրի իրականացմանը, այդ թվում՝ մրցակցային միջավայրի բարելավմանը և սպառողների իրավունքների պաշտպանության բարձրացմանը։
Առաջարկներ՝
Քննարկվող փոփոխություններին տնտեսավարող սուբյեկտի գործունեության համապատասխանությունն ապահովելու
նպատակով անհրաժեշտ է՝
1) Առևտրային ցանցի պաշտոնական կայքում պարտադիր կերպով հրապարակել հետևյալ տեղեկությունները՝
- հավանական մատակարարի ապրանքի ընտրության նվազագույն պահանջները և սկզբունքները,
- առևտրային ցանցի կողմից իրացման ենթակա ապրանքատեսակների ցանկը.
- առևտրային ցանցում ապրանքի ցուցադրման պայմանները.
- մատակարարման հարաբերությունների դադարեցման հիմքերը:
2) Ապրանքների ցուցադրման կապակցությամբ, նշենք որ այսուհետ ապրանքների ցուցադրմանն առնչվող հարցերը կարող են կարգավորվել բացառապես գրավոր պայմանագրով, որը պետք է սահմանի՝
- ապրանքի ցուցադրման նկարագիրը, առանձնահատկությունները և ապրանքի առաջխաղացմանն ուղղված միջոցառումների իրականացման պայմանները.
- պայմանագրի գինը, որը, ի թիվս այլնի, ներառում է առևտրային ցանցի կողմից կատարվող՝ ցուցադրման պայմաններին առնչվող բոլոր վճարները կամ գնի սահմանման կարգը.
- վճարման կարգը, ժամկետները կամ դրանց որոշման կարգը:
3) Լրացման արդյունքում այսուհետ առևտրային ցանցերի և մատակարարների հարաբերությունները պետք է կարգավորվեն վերջիններիս միջև կնքված գրավոր պայմանագրով, որը պետք է բովանդակի հետևյալ էական պայմանները՝
- պայմանագրի գինը, որը, ի թիվս այլնի, ներառում է առևտրային ցանցի կողմից կատարվող բոլոր
վճարները կամ գնի սահմանման կարգը.
- վճարման կարգը, ժամկետները կամ դրանց որոշման կարգը.
- պայմանագրում փոփոխություններ կատարելու, ինչպես նաև պայմանագրի դադարեցման և միակողմանի լուծման կարգը և հիմքերը.
- պիտանիության ժամկետում չիրացված ապրանքների վերադարձման հնարավորություն նախատեսված լինելու դեպքում՝ դրանց վերադարձման կարգը:
Հին տարբերակ
Նախկինում բացակայում էր։
Նոր տարբերակ
«2.1) առևտրային ցանց՝ «Տնտեսական մրցակցության
պաշտպանության մասին» օրենքի 11-րդ հոդվածի 1-ին
մասի 2-րդ կամ 3-րդ կետով սահմանված չափանիշներին համապատասխանող տնտեսավարող սուբյեկտ»,
«2. Սույն օրենքում օգտագործվող մյուս
հասկացությունները և տերմինները կիրառվում են սույն
օրենքով, Հայաստանի Հանրապետության քաղաքացիական
օրենսգրքով, «Սպառողների իրավունքների պաշտպանության մասին», «Տնտեսական մրցակցության պաշտպանության մասին»
օրենքներով, ինչպես նաև այլ օրենքներով և նորմատիվ
իրավական ակտերով սահմանված իմաստով»:
ԳԼՈՒԽ 4.4
ԱՌԵՎՏՐԱՅԻՆ ՑԱՆՑԻ ԵՎ ՄԱՏԱԿԱՐԱՐՆԵՐԻ ՄԻՋԵՎ ԱՐԴԱՐ ԱՌԵՎՏՐԻ ԿԱՆՈՆՆԵՐԸ
Հոդված 15.8. Առևտրային ցանցի և մատակարարների հարաբերություններին ներկայացվող ընդհանուր պահանջները
1. Արգելվում են առևտրային ցանցի կողմից խտրական պայմանների սահմանումը և կիրառումը մատակարարների հետ հարաբերությունների հաստատման, ընթացիկ ու դադարեցման գործընթացում, բացառությամբ եթե Մրցակցության պաշտպանության հանձնաժողովի պատճառաբանված որոշմամբ առկա է ողջամիտ և օբյեկտիվ տարբերության հիմք՝ պայմանավորված նաև տնտեսական պայմաններով (գործոններով) կամ առանձին խմբի կարգավիճակով:
Հոդված 15.9. Առևտրային ցանցի պաշտոնական կայքը
1. Առևտրային ցանցն ունի պաշտոնական կայք:
2. Առևտրային ցանցը պաշտոնական կայքում հրապարակում է՝
1) հավանական մատակարարի ապրանքի ընտրության նվազագույն պահանջները և սկզբունքները.
2) առևտրային ցանցի կողմից իրացման ենթակա ապրանքատեսակների ցանկը.
3) առևտրային ցանցում ապրանքի ցուցադրման պայմանները.
4) մատակարարման հարաբերությունների դադարեցման հիմքերը:
Հոդված 15.10. Մատակարարի ապրանքի ընտրության նվազագույն պահանջները և սկզբունքները, նոր
մատակարարների մուտքն առևտրային ցանց
1. Առևտրային ցանցերը սահմանում են հավանական մատակարարների ապրանքի ընտրության նվազագույն պահանջներ
և սկզբունքներ: Նվազագույն պահանջները և սկզբունքները կարող են սահմանվել ըստ ապրանքատեսակների՝ պայմանով, որ մատակարարի համար ընկալելի լինի տվյալ պահանջի կամ սկզբունքի վերաբերելիությունը կոնկրետ ապրանքատեսակին:
2. Մատակարարի ապրանքի ընտրությունն իրականացվում է առևտրային ցանցի նախաձեռնությամբ կամ հավանական
մատակարարի գրավոր առևտրային առաջարկի ուսումնասիրության արդյունքում՝ հաշվի առնելով առևտրային ցանցի
հրապարակած՝ մատակարարի ապրանքին ներկայացվող նվազագույն պահանջները և սկզբունքները:
3. Առևտրային ցանցը գրավոր առևտրային առաջարկը քննարկում է այն ստանալուց հետո՝ ոչ ուշ, քան 15
աշխատանքային օրվա ընթացքում: Այն դեպքում, երբ մատակարարի ապրանքի ընտրության համար անհրաժեշտ են
լրացուցիչ գործողություններ (փորձաքննության իրականացում և այլն), ապա ժամկետը կարող է երկարաձգվել մինչև
15 աշխատանքային օրով, եթե նշված գործողության իրականացման համար անհրաժեշտ չէ այլ ժամկետ, որի մասին
առևտրային ցանցը գրավոր տեղեկացնում է առևտրային առաջարկ ներկայացրած հավանական մատակարարին:
4. Առևտրային ցանցը հավանական մատակարարի ապրանքի ընտրության վերաբերյալ բացասական որոշման մասին
գրավոր տեղեկացնում է առաջարկ ներկայացնողին՝ հիմնավորելով առևտրային ցանցի հրապարակած նվազագույն
պահանջներին և սկզբունքներին չհամապատասխանելը:
5. Առևտրային ցանցի կողմից հավանական մատակարարին լրացուցիչ՝ մատակարարման պայմանագրի հետ չկապված
ծառայությունների պարտադրումը կամ դրանցից հրաժարվելու հիմքով մատակարարման պայմանագիր կնքելուց
հրաժարվելն արգելվում է:
Հոդված 15.11. Առևտրային ցանցի հետ կնքվող պայմանագրի էական պայմանները
1. Մատակարարման պայմանագիրը կնքվում է գրավոր:
2. Պայմանագիրն առնվազն պարունակում է՝
1) պայմանագրի գինը, որը, ի թիվս այլնի, ներառում է առևտրային ցանցի կողմից կատարվող բոլոր վճարները կամ գնի
սահմանման կարգը.
2) վճարման կարգը, ժամկետները կամ դրանց որոշման կարգը.
3) պայմանագրում փոփոխություններ կատարելու, ինչպես նաև պայմանագրի դադարեցման և միակողմանի լուծման
կարգը և հիմքերը.
4) պիտանիության ժամկետում չիրացված ապրանքների վերադարձման հնարավորություն նախատեսված լինելու
դեպքում՝ դրանց վերադարձման կարգը:
3. Առևտրային ցանցը պաշտոնական կայքում կարող է հրապարակել մատակարարների հետ կնքվող պայմանագրի
բովանդակությունը:
Հոդված 15.12. Առևտրային ցանցին մատակարարված ապրանքների համար վճարման պայմանները և կարգը
1. Առևտրային ցանցը մատակարարին վճարումը կատարում է ոչ ուշ, քան՝
1) սննդամթերքի համար՝ 30 օրվա ընթացքում.
2) ոչ պարենային ապրանքների համար՝ 60 օրվա ընթացքում:
2. Սույն հոդվածի 1-ին մասով նախատեսված ժամկետների հաշվարկն սկսվում է օրենքով և պայմանագրով սահմանված
կարգով մատակարարված ապրանքի ընդունման և մատակարարի կողմից հաշվարկային փաստաթղթերի դուրսգրման
պահից:
3. Կողմերի գրավոր համաձայնությամբ կարող են սահմանվել սույն հոդվածի 1-ին մասով նախատեսվածից վճարման
ավելի սեղմ ժամկետներ:
Հոդված 15.13. Ապրանքի ցուցադրման պայմաններն առևտրային ցանցում
1. Առևտրային ցանցը սահմանում է ապրանքի ցուցադրման պայմանները, այդ թվում՝ ապրանքի գովազդման, ակցիաների
իրականացման, արտոնությունների սահմանման կամ ապրանքի առաջխաղացմանն ուղղված այլ միջոցառումների
իրականացման պայմանները, այդ թվում՝ ցուցադրման տարբերակները և դրանց համար սահմանված վճարները:
2. Ապրանքի ցուցադրման հետ կապված հարաբերությունները կարգավորվում են գրավոր պայմանագրով, որը կարող է
լինել նաև մատակարարման պայմանագրի մաս:
3. Ապրանքի ցուցադրման հետ կապված հարաբերությունները կարգավորող պայմանագիրն առնվազն պարունակում է՝
1) ապրանքի ցուցադրման նկարագիրը, առանձնահատկությունները և ապրանքի առաջխաղացմանն ուղղված
միջոցառումների իրականացման պայմանները.
2) պայմանագրի գինը, որը, ի թիվս այլնի, ներառում է առևտրային ցանցի կողմից կատարվող՝ ցուցադրման
պայմաններին առնչվող բոլոր վճարները կամ գնի սահմանման կարգը.
3) վճարման կարգը, ժամկետները կամ դրանց որոշման կարգը:
Օրենսդրական ակտի անվանումը
ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ԿԱՌԱՎԱՐՈՒԹՅԱՆ 2019 ԹՎԱԿԱՆԻ ՕԳՈՍՏՈՍԻ 15-Ի N 1080-Ն ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
Փոփոխության կարգավիճակը
Փոփոխությունն ընդունվել է 29.02.2024 թվակնին և ուժի մեջ է մտել 01.03.2024 թվականին:
Որոշման 4-րդ ենթակետն ուժի մեջ է մտնում՝
ա. անվճար կամ արտոնյալ պայմաններով տրվող դեղերի դեղատոմսերի գրման մասով` 2024 թվականի մարտի 1-ից,
բ. համակարգային ազդեցությամբ հակավարակային (հակաբակտերիային, հակասնկային, հակամիկոբակտերիային, հակավիրուսային դեղերի, իմունային շիճուկների և իմունոգլոբուլինների, պատվաստանյութերի), հորմոնային և միզոպրոստոլ պարունակող դեղերի դեղատոմսերի գրման մասով` 2024 թվականի մարտի 1-ից,
գ. դեղատոմսով բաց թողնվող՝ սույն կետի 1-ին և 2-րդ ենթակետերում չներառված այլ դեղերի, ինչպես նաև հոգեմետ (հոգեներգործուն) նյութեր պարունակող դեղերի դեղատոմսերի գրման մասով` 2025 թվականի հունվարի 1-ից:
25-րդ ենթակետն ուժի մեջ է մտնում 2025 թվականի հունվարի 1-ից:
Ինչին են վերաբերում փոփոխությունները
Կատարված փոփոխությունների և լրացումների միջոցով նախատեսվում է անվճար կամ արտոնյալ պայմաններով տրվող, ինչպես նաև համակարգային ազդեցությամբ հակավարակային (հակաբակտերիային, հակասնկային, հակամիկոբակտերիային, հակավիրուսային դեղերի, իմունային շիճուկների և իմունոգլոբուլինների, պատվաստանյութերի) և միզոպրոստոլ պարունակող դեղերի մասով դեղատոմսերը դուրս գրել էլեկտրոնային տարբերակով:
Սույն փոփոխության նպատակը Էլեկտրոնային դեղատոմսի ներդրումն է, ինչը նպատակ է հետապնդում խուսափելու բժշկական կազմակերպություններում ավելորդ հերթերից, բարձրացնելու բնակչության իրազեկվածությունը, ինչպես նաև բարձրացնելու բժշկական կազմակերպություններում բժշկական օգնության և սպասարկման որակը:
Իրավասու մարմնի համոզմամբ՝ Էլեկտրոնային դեղատոմսի ներդրումը ինքնին հավակնոտ ծրագիր է, սակայն նրա ներդրումը հնարավորություն կտա վերահսկել և կանոնակրագել դեղի մինչև պացիենտ հետագծելիությունը։
Ներկայումս գործող իրավական ակտով սահմանված Էլեկտրոնային առողջապահության «Արմեդ» համակարգի վերաբերյալ դրույթները և կարգավորումներն կհամապատասխանեցվեն գործող ծրագրին:
Առաջարկներ՝
Դեղերի իրացում իրականացնող սուբյեկտները պետք է անվճար կամ արտոնյալ պայմաններով տրվող, ինչպես նաև համակարգային ազդեցությամբ հակավարակային (հակաբակտերիային, հակասնկային, հակամիկոբակտերիային, հակավիրուսային դեղերի, իմունային շիճուկների և իմունոգլոբուլինների, պատվաստանյութերի) և միզոպրոստոլ պարունակող դեղերի մասով իրացումն իրականացնեն բացառապես էլեկտրոնային դեղատոմսի առկայության պարագայում:
Սույն կարգով սահմանված որոշ տվյալների բացակայության և (կամ) սխալների և (կամ) ուղղումների և (կամ) անհամատեղելի բաղադրատարրերի առկայության դեպքում դեղատան աշխատակիցը դեղատոմսը գրող բժշկի հետ ճշտելուց հետո կարող է դեղը բաց թողնել: Սակայն, բաց թողնվող դեղի քանակի սխալների և (կամ) քանակի ուղղումների դեպքում դեղատոմսը դեղատան աշխատակցի կողմից պետք ճանաչվի անվավեր, տեղեկացնելով բժշկին նոր դեղատոմս գրելու անհրաժեշտության մասին:
Դեղատոմսը թղթային տարբերակով ընդունել միայն այն դեպքում, երբ համակարգը տեխնիկական խնդիրների պատճառով հասանելի չի եղել:
Հին տարբերակ
4. Էլեկտրոնային դեղատոմսերի դուրսգրումը,
համարակալումը, հաշվառումը, ինչպես նաև դրանց
համապատասխան դեղերի բացթողումն իրականացվում է էլեկտրոնային համակարգի միջոցով՝ Հայաստանի
Հանրապետության առողջապահության նախարարության
(այսուհետ՝ նախարարություն) կողմից հաստատված
ուղեցույցի համաձայն:
Նոր տարբերակ
4. Էլեկտրոնային դեղատոմսերի համարակալումը,
հաշվառումը, ինչպես նաև դրանց համապատասխան
դեղերի դուրսգրումը և բացթողումն իրականացվում են էլեկտրոնային առողջապահության համակարգի
(այսուհետ՝ համակարգ) միջոցով: Էլեկտրոնային
դեղատոմսով դեղերի դուրսգրումը և բացթողումը,
հաշվառումը համակարգի միջոցով իրականացվում են
Հայաստանի Հանրապետության առողջապահության
նախարարի 2021 թվականի դեկտեմբերի 28-ի N 99-Ն
հրամանի համաձայն։
Հին տարբերակ
Նախկինում բացակայում էր։
Նոր տարբերակ
5.1. Դեղատոմսերը գրվում են միայն էլեկտրոնային
տարբերակով, բացառությամբ սույն կարգի 6-րդ կետում
նշված դեպքի, ինչպես նաև սույն կարգի 10-րդ կետի 1-
ին ենթակետով սահմանված թմրամիջոց պարունակող
դեղերի դեղատոմսերի, որոնք գրվում են միայն թղթային
տարբերակով։.
Հին տարբերակ
6. Դեղատոմսը թղթային տարբերակով դուրս է գրվում միայն այն դեպքում, երբ էլեկտրոնային համակարգը հասանելի չէ: Էլեկտրոնային դեղատոմսի առկայության պայմաններում թղթային տարբերակը տպագրվում է էլեկտրոնային համակարգից և տրամադրվում է պացիենտին կամ նրա օրինական ներկայացուցչին՝ վերջիններիս պահանջի դեպքում:
Նոր տարբերակ
6. Դեղատոմսը թղթային տարբերակով գրվում է այն
դեպքում, երբ համակարգը տեխնիկական խնդիրների
պատճառով հասանելի չէ: Տեխնիկական խնդիրը
կարգավորելուց հետո այն մուտքագրվում է համակարգ,
վերջինիս հասանելիությունը վերականգնվելուց հետո՝
նույն օրվա ընթացքում։ Էլեկտրոնային դեղատոմսի
առկայության պայմաններում թղթային տարբերակը
տպագրվում է համակարգից և տրամադրվում է
պացիենտին կամ նրա օրինական ներկայացուցչին՝
վերջիններիս պահանջի դեպքում:
Հին տարբերակ
8. Դեղատոմսը պետք է պարունակի հետևյալ տվյալները՝
1) բժշկական հաստատության անվանումը, լիցենզիայի
համարը, գտնվելու (անհատ ձեռնարկատիրոջ՝
բնակության) վայրը և հեռախոսահամարը.
Նոր տարբերակ
8. Դեղատոմսը պետք է պարունակի հետևյալ տվյալները՝
1) բժշկական հաստատության անվանումը, լիցենզիայի
համարը կամ հարկ վճարողի հաշվառման համարը,
գտնվելու (անհատ ձեռնարկատիրոջ՝ բնակության) վայրը
և հեռախոսահամարը.
Հին տարբերակ
8. Դեղատոմսը պետք է պարունակի հետևյալ տվյալները՝
4) թմրամիջոցներ և հոգեմետ (հոգեներգործուն) նյութեր
պարունակող դեղերի դուրսգրման դեպքում պացիենտի
անձնագրի կամ նույնականացման քարտի տվյալները.
Նոր տարբերակ
8. Դեղատոմսը պետք է պարունակի հետևյալ տվյալները՝
4) թմրամիջոցներ և հոգեմետ (հոգեներգործուն) նյութեր
պարունակող դեղերի դուրսգրման դեպքում պացիենտի
անձը հաստատող փաստաթղթի տվյալները կամ հանրային ծառայությունների համարանիշը (այսուհետ՝ ՀԾՀ) կամ ՀԾՀ-ից հրաժարվելու դեպքում՝ ՀԾՀ չստանալու մասին տեղեկանքի համարը.
Հին տարբերակ
9. Էլեկտրոնային դեղատոմսը, բացի սույն կարգի 8-րդ
կետում նշված տվյալների, պետք է պարունակի նաև՝
1) ախտորոշման ծածկագիրը՝ հիվանդությունների
միջազգային դասակարգման համաձայն.
2) դեղի անատոմիական-բուժական-քիմիական ծածկագիրը՝ ըստ գրանցամատյանի.
3) պացիենտի նույնականացման քարտի համարը,
ծննդյան ամսաթիվը, սեռը.
4) բժշկի մասնագիտացումը և էլեկտրոնային հասցեն.
5) արժեքի լրիվ կամ մասնակի փոխհատուցմամբ
(այսուհետ՝ փոխհատուցվող) դեղերի տրամադրումը
հիմնավորող փաստաթղթի համարը, տրման ամսաթիվը և
ուժի մեջ գտնվելու ժամկետը՝ համակարգին կցելով
համապատասխան փաստաթուղթը:
Նոր տարբերակ
9. Էլեկտրոնային դեղատոմսը, սույն կարգի 8-րդ կետում
նշված տվյալներից բացի, պետք է պարունակի նաև՝
1) ախտորոշման ծածկագիրը՝ հիվանդությունների
դասակարգման համաձայն.
2) դեղի անատոմիական-բուժական-քիմիական ծածկագիրը՝ ըստ գրանցամատյանի.
3) պացիենտի ՀԾՀ-ն կամ ՀԾՀ-ից հրաժարվելու
դեպքում՝ ՀԾՀ չստանալու մասին տեղեկանքի համարը,
ծննդյան ամսաթիվը, սեռը.
4) բժշկի մասնագիտացումը.
5) արժեքի լրիվ կամ մասնակի փոխհատուցմամբ
(այսուհետ՝ փոխհատուցվող) դեղերի տրամադրումը
հիմնավորող փաստաթղթի համարը, տրման ամսաթիվը և
ուժի մեջ գտնվելու ժամկետը.
6) լիազորված անձի դեպքում` անունը, ազգանունը, անձը
հաստատող փաստաթղթի տվյալները կամ ՀԾՀ-ն կամ
ՀԾՀ-ից հրաժարվելու դեպքում՝ ՀԾՀ չստանալու մասին
տեղեկանքի համարը.
7) էլեկտրոնային դեղատոմսը թղթային տարբերակով
ներկայացնելու դեպքում փաստաթղթերի վավերականացման համար QR կոդը՝ Հայաստանի Հանրապետության պաշտոնական փաստաթղթերի վավերականության ստուգման միասնական համակարգում դեղատոմսի վավերականությունը ստուգելու նպատակով։
Հին տարբերակ
10. Հայաստանի Հանրապետությունում կիրառվում են
սույն որոշման N 2 հավելվածով հաստատված թղթային
դեղատոմսերի ձևաթղթերի հետևյալ ձևերը՝
1) N 1 դեղատոմսային ձև` թմրամիջոց պարունակող
դեղերի համար.
2) N 2 դեղատոմսային ձև` հոգեմետ (հոգեներգործուն)
նյութ պարունակող դեղերի համար.
3) N 3 դեղատոմսային ձև՝ փոխհատուցվող դեղերի
համար.
4) N 4 դեղատոմսային ձև՝ դեղերի և դեղանյութերի
մեկանգամյա կամ բազմակի բացթողման համար:
Նոր տարբերակ
10. Հայաստանի Հանրապետությունում կիրառվում են
սույն որոշման N 2 հավելվածով հաստատված
դեղատոմսերի ձևաթղթերի հետևյալ ձևերը՝
1) N 1 դեղատոմսային ձև` թմրամիջոց պարունակող
դեղերի համար` թղթային տարբերակով.
2) N 2 դեղատոմսային ձև` հոգեմետ (հոգեներգործուն)
նյութ պարունակող դեղերի համար` էլեկտրոնային կամ
թղթային տարբերակով.
3) N 3 դեղատոմսային ձև՝ փոխհատուցվող դեղերի
համար` էլեկտրոնային կամ թղթային տարբերակով.
4) N 4 դեղատոմսային ձև՝ դեղերի և դեղանյութերի
մեկանգամյա կամ բազմակի բացթողման համար`
էլեկտրոնային կամ թղթային տարբերակով:
Հին տարբերակ
11. Դեղատոմսային ձևաթղթի վրա լրացվում են
բժշկական հաստատության վերաբերյալ սույն կարգի 8-
րդ կետի 1-ին ենթակետում սահմանված տվյալները կամ
դրվում է այդ տվյալները պարունակող դրոշմակնիք:
Նոր տարբերակ
11. Դեղատոմսային ձևաթղթի վրա լրացվում են
բժշկական հաստատության վերաբերյալ սույն կարգի 8-
րդ կետի 1-ին ենթակետում սահմանված տվյալները կամ
դրվում է այդ տվյալները պարունակող դրոշմակնիք:
Էլեկտրոնային դեղատոմսի դեպքում սույն կարգի 8-րդ
կետի 1-ին ենթակետով սահմանված տվյալները
ներբեռնվում են համակարգից ինքնաշխատ եղանակով:
Հին տարբերակ
22. Փոխհատուցվող դեղերի դեղատոմսեր կարող են
դուրս գրվել միայն համապատասխան լիցենզիա ունեցող բժշկական հաստատության բժշկի կողմից Հայաստանի
Հանրապետության օրենսդրությամբ փոխհատուցվող դեղ
ստանալու իրավունք ունեցող պացիենտներին:
Թմրամիջոց պարունակող և միաժամանակ
փոխհատուցվող դեղերը դուրս են գրվում N 1
դեղատոմսային ձևի վրա, հոգեմետ (հոգեներգործուն)
նյութ պարունակող և միաժամանակ փոխհատուցվող
դեղերը դուրս են գրվում N 2 դեղատոմսային ձևի վրա:
Նոր տարբերակ
22. Հայաստանի Հանրապետության օրենսդրությամբ
փոխհատուցվող դեղ ստանալու իրավունք ունեցող պացիենտներին փոխհատուցվող դեղերի դեղատոմսեր
կարող են գրվել միայն համապատասխան լիցենզիա
ունեցող բժշկական հաստատության բժշկի կողմից մեկ
ամսվա համար: Պացիենտի գանգատների բացակայության դեպքում` երկրորդ և երրորդ ամիսների համար դեղատոմսերը համակարգի միջոցով կարող են առանց որևէ փոփոխության կրկնօրինակվել բուժող բժշկի բուժքրոջ կողմից և հաստատվել բժշկի կողմից:
Թմրամիջոց պարունակող և միաժամանակ
փոխհատուցվող դեղերը դուրս են գրվում N 1
դեղատոմսային ձևի վրա, հոգեմետ (հոգեներգործուն)
նյութ պարունակող և միաժամանակ փոխհատուցվող
դեղերը դուրս են գրվում N 2 դեղատոմսային ձևի վրա:
Հին տարբերակ
30. Թղթային դեղատոմսը հաստատվում է բժշկի
ստորագրությամբ: Թմրամիջոցներ և հոգեմետ
(հոգեներգործուն) նյութեր, ինչպես նաև փոխհատուցվող
(այդ թվում՝ կենտրոնացված կարգով ձեռք բերված և
մարդասիրական օգնության ճանապարհով ստացված)
դեղի դեղատոմսն ստորագրությամբ հաստատվում է նաև
բժշկական հաստատության տնօրենի, իսկ վերջինիս
բացակայության դեպքում` տնօրենին փոխարինող անձի
կողմից: Մի քանի օրինակից դուրս գրվող դեղատոմսերի
առաջին օրինակի և պատճենի (պատճենների) վրա պետք
է առկա լինի բժշկի բնօրինակ ստորագրությունը:
Նոր տարբերակ
30. Թղթային դեղատոմսը հաստատվում է բժշկի
ստորագրությամբ: Թմրամիջոցներ և հոգեմետ
(հոգեներգործուն) նյութեր պարունակող դեղի դեղատոմսն
ստորագրությամբ հաստատվում է նաև բժշկական
հաստատության տնօրենի, իսկ վերջինիս բացակայության
դեպքում` տնօրենին փոխարինող անձի կողմից: Մի քանի
օրինակից գրվող դեղատոմսերի առաջին օրինակի և
պատճենի (պատճենների) վրա պետք է առկա լինի բժշկի
բնօրինակ ստորագրությունը:
Հին տարբերակ
31. Դեղատոմս գրող բժիշկը հաշվառում է NN 1, 2 և 3
ձևաթղթերի վրա դուրս գրված դեղատոմսերն ըստ
տեսակների առանձնացված մատյաններում, որոնց էջերը
համարակալվում, կարվում և հաստատվում են բժշկական
հաստատության տնօրենի ստորագրությամբ: Մատյանում
գրիչով նշվում են դուրսգրման ամիսը, ամսաթիվը,
պացիենտի անունը, ազգանունը, բնակության վայրը,
բժշկական փաստաթղթի համարը, զեղչի հիմքը և չափը
(տոկոսով), դեղատոմսի համարը, բովանդակությունը և
պացիենտի ստորագրությունը:
Նոր տարբերակ
31. Դեղատոմս գրող բժիշկը հաշվառում է N 1 և N 2
ձևաթղթերի վրա գրված դեղատոմսերն ըստ տեսակների
առանձնացված մատյաններում, որոնց էջերը
համարակալվում, կարվում և հաստատվում են բժշկական
հաստատության տնօրենի ստորագրությամբ: Մատյանում
գրիչով նշվում են դուրսգրման ամիսը, ամսաթիվը,
պացիենտի անունը, ազգանունը, բնակության վայրը,
բժշկական փաստաթղթի համարը, զեղչի հիմքը և չափը
(տոկոսով), դեղատոմսի համարը, բովանդակությունը և
պացիենտի ստորագրությունը: N 2 և N 3 ձևաթղթերի
վրա գրված էլեկտրոնային դեղատոմսերի
գրանցամատյանը էլեկտրոնային համակարգում
ձևավորվում է ինքնաշխատ եղանակով: N 4 ձևաթղթի
վրա գրված էլեկտրոնային դեղատոմսերի գրանցամատյան
չի վարվում:
Հին տարբերակ
Նախկինում բացակայում էր։
Նոր տարբերակ
50.1. Էլեկտրոնային դեղատոմսերի համարակալումն
իրականացվում է համակարգի կողմից ինքնաշխատ եղանակով։ Անվավեր ճանաչված էլեկտրոնային
դեղատոմսերի համարներն այլևս չեն օգտագործվում։
Յուրաքանչյուր հաշվետու տարվա սկզբում
էլեկտրոնային դեղատոմսերի ձևերի համարակալումը
սկսվում է սկզբից (զրոյից): Համարը ներառում է
բժշկական հաստատության հարկ վճարողի հաշվառման
համարը, տվյալ տարվա տարեթիվը, դեղատոմսին
բնորոշող տառ, վեցանիշ թիվ, որի հաշվարկը սկսվում է
000001-ից:
Հին տարբերակ
53. Սույն կարգով սահմանված որոշ տվյալների
բացակայության և (կամ) սխալների և (կամ) ուղղումների
և (կամ) անհամատեղելի բաղադրատարրերի առկայության դեպքում դեղատան աշխատակիցը դեղատոմսը դուրս գրող բժշկի հետ ճշտելուց հետո կարող է դեղը բաց թողնել:
Բաց թողնվող դեղի քանակի սխալների և (կամ) քանակի
ուղղումների դեպքում դեղատոմսը դեղատան աշխատակցի կողմից ճանաչվում է անվավեր և բժշկին տեղեկացվում է նոր դեղատոմս դուրս գրելու անհրաժեշտության մասին:
Նոր տարբերակ
53. Սույն կարգով սահմանված որոշ տվյալների
բացակայության և (կամ) սխալների և (կամ) ուղղումների
և (կամ) անհամատեղելի բաղադրատարրերի առկայության դեպքում դեղատան աշխատակիցը դեղատոմսը գրող բժշկի հետ ճշտելուց հետո կարող է դեղը բաց թողնել: Բաց թողնվող դեղի քանակի սխալների և (կամ) քանակի ուղղումների դեպքում դեղատոմսը դեղատան աշխատակցի կողմից ճանաչվում է անվավեր, և բժշկին տեղեկացվում է նոր դեղատոմս գրելու անհրաժեշտության մասին:
Էլեկտրոնային դեղատոմսն անվավեր ճանաչելու դեպքում
այն պահպանվում է համակարգում, և դրա անվավեր
ճանաչելու ժամկետը և անվավեր ճանաչողի վերաբերյալ
տվյալները պահպանվում են համակարգի
իրադարձությունների մատյանում:
Հին տարբերակ
54. Դեղը բաց թողնելիս դեղատոմսի դարձերեսին նշվում
է բաց թողնված դեղի առևտրային անվանումը,
դեղաչափը, դեղաձևը, քանակը, բացթողման ամսաթիվը,
բաց թողնողի անունը, ազգանունը և ստորագրվում բաց
թողնողի կողմից:
Նոր տարբերակ
54. Թղթային դեղատոմսով դուրս գրված դեղը բաց
թողնելիս դեղատոմսի դարձերեսին նշվում են բաց
թողնված դեղի անվանումը, դեղաչափը, դեղաձևը,
քանակը, բացթողման ամսաթիվը, բաց թողնողի անունը,
ազգանունը և ստորագրվում է բաց թողնողի կողմից:
Էլեկտրոնային դեղատոմսի դեպքում՝ համակարգում
ամրագրվում են դուրս գրված դեղի քանակները։
Հին տարբերակ
60. Դեղը ոչ ամբողջական սպառողական փաթեթով բաց
թողնելու կամ բազմակի բացթողման դեպքում մնացած
քանակները կարող են շարունակաբար տրամադրվել նույն դեղատնից՝ դեղատոմսի դարձերեսին նշելով դեղի
առևտրային անվանումը, դեղաչափը, բաց թողնված
քանակը, ամսաթիվը, բաց թողնողի ու ստացողի
անունները և նրանց ստորագրությունները:
Նոր տարբերակ
60. Թղթային դեղատոմսով դուրս գրված դեղը ոչ
ամբողջական սպառողական փաթեթով բաց թողնելու կամ բազմակի բացթողման դեպքում մնացած քանակները
կարող են շարունակաբար տրամադրվել նույն դեղատնից՝
դեղատոմսի դարձերեսին նշելով դեղի անվանումը,
դեղաչափը, բաց թողնված քանակը, ամսաթիվը, բաց
թողնողի ու ստացողի անունները և նրանց
ստորագրությունները: Էլեկտրոնային դեղատոմսի
դեպքում՝ դեղատոմսը մնում է ակտիվ դեղատան
աշխատողի համար, քանի դեռ դեղատոմսում առկա
ամբողջ քանակը չի տրամադրվել և տրամադրման մասին տեղեկատվությունը չի ամրագրվել համակարգում, կամ չի
լրացել սույն կարգի 33-րդ կետով սահմանված
դեղատոմսի ժամկետը։
Հին տարբերակ
64. Դեղատուն այցելության անհնարինության դեպքում
թմրամիջոցներ և հոգեմետ (հոգեներգործուն) նյութեր
պարունակող դեղերն ստանում է օրենքով սահմանված
կարգով պացիենտի կողմից լիազորված անձը կամ
օրինական ներկայացուցիչը` անձը հաստատող
փաստաթղթով: Այդ դեպքում դեղատոմսի դարձերեսին
նշվում է դեղի առևտրային անվանումը, դեղաչափը, բաց
թողնված քանակը, ամսաթիվը, բաց թողնողի ու ստացողի
անունները և նրանց ստորագրությունները:
Նոր տարբերակ
64. Պացիենտի դեղատուն այցելության անհնարինության
դեպքում դեղերը ստանում է օրենքով սահմանված կարգով պացիենտի կողմից լիազորված անձը կամ օրինական ներկայացուցիչը` անձը հաստատող փաստաթղթով: Այդ դեպքում դեղատոմսի դարձերեսին նշվում են դեղի առևտրային անվանումը, դեղաչափը, դեղաձևը, բաց թողնված քանակը, բացթողման ամսաթիվը, բաց թողնողի անունը, ազգանունը, ստորագրությունը և լիազորված անձի կամ օրինական ներկայացուցչի անունը, ազգանունը, ստորագրությունը, անձը հաստատող փաստաթղթի տվյալները կամ ՀԾՀ-ն կամ ՀԾՀ-ից հրաժարվելու դեպքում՝ ՀԾՀ չստանալու մասին տեղեկանքի համարը։
Հին տարբերակ
68. Բոլոր թղթային դեղատոմսերը, այդ թվում` անվավեր
ճանաչված, պահվում են դեղը բաց թողած դեղատանը՝
ըստ բացթողման ամսաթվերի, սույն կարգի 69-րդ կետով
սահմանված ժամկետներում, դրանց պահպանվածությունը ապահովող պայմաններում:
Նոր տարբերակ
68. Բոլոր թղթային դեղատոմսերը, այդ թվում` անվավեր
ճանաչված, պահվում են դեղը բաց թողած դեղատանը՝
ըստ բացթողման ամսաթվերի, սույն կարգի 69-րդ կետով
սահմանված ժամկետներում, դրանց պահպանվածությունը ապահովող պայմաններում: Էլեկտրոնային դեղատոմսերն ինքնաշխատ եղանակով պահպանվում են համակարգում՝ անժամկետ։
Օրենսդրական ակտի անվանումը
ՀՀ ԿԱՌԱՎԱՐՈՒԹՅԱՆ ՈՐՈՇՈՒՄԸ ՀՀ ԿԱՌԱՎԱՐՈՒԹՅԱՆ 2021 ԹՎԱԿԱՆԻ ԴԵԿՏԵՄԲԵՐԻ 16-Ի N 2087-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ
Փոփոխության կարգավիճակը
Սույն փոփոխությունը ուժի մեջ է մտել 2024 թվականի մարտի 1-ից:
Ինչին են վերաբերում փոփոխությունները
Սույն փոփոխությամբ հստակեցվել է աշխատանքային գործունեության կամ կամավոր աշխատանքի հիմքով ժամանակավոր կացության կարգավիճակի տրամադրման կարգը:
Սույն փոփոխության անհրաժեշտությունը պայմանավորված էր «Կամավոր աշխատանքի մասին» օրենքի ընդունմամբ, ինչի արդյունքում «Օտարերկրացիների մասին» օրենքում 15-րդ հոդվածի 1-ին մասում կատարվել է լրացում, որի համաձայն՝ օտարերկրացուն ժամանակավոր կացության կարգավիճակի տրամադրման հիմք կարող է հանդիսանալ նաև Հայաստանի Հանրապետությունում կամավոր աշխատանքներ իրականացնելը։ Կացության կարգավիճակի նշված հիմքով տրամադրումը նախատեսվել է նույն օրենքի 22․1 հոդվածով, համաձայն որի՝ կամավորին ընդունող կազմակերպությունը հայտ է ներկայացնում միասնական էլեկտրոնային հարթակի միջոցով՝ համաձայն ՀՀ կառավարության 2021 թվականի դեկտեմբերի 16-ի N 2087-Ն որոշման։
Առաջարկ՝
Կատարված փոփոխությունների արդյունքում իրենց գործունեության շրջանակներում կամավորների ներգրավող կազմակերպությունները կարող են ժամանակավոր կացության կարգավիճակի տրամադրման հայտ ներկայացնել միասնական էլեկտրոնային հարթակի միջոցով:
Հին տարբերակ
5) «Օտարերկրացիների մասին» օրենքով և սույն
որոշմամբ նախատեսված կարգով օտարերկրացուն
աշխատանքային գործունեության հիմքով ժամանակավոր
կացության կարգավիճակ տրամադրելու, մերժելու կամ
կացության կարգավիճակի ժամկետը երկարաձգելու
վերաբերյալ դիմումը բավարարելու, մերժելու կամ
դիմումի հիման վրա հարուցված վարչական վարույթը
կարճելու, կասեցնելու կամ հարուցված վարչական
վարույթի ժամկետը երկարաձգելու վերաբերյալ, ինչպես
նաև բնակության օրինականությունը հավաստող
տեղեկանք տրամադրելու, մերժելու կամ երկարաձգելու
վերաբերյալ դիմումը բավարարելու, մերժելու կամ
դիմումի հիման վրա հարուցված վարչական վարույթը
կարճելու, կասեցնելու կամ հարուցված վարչական
վարույթի ժամկետը երկարաձգելու վերաբերյալ որոշում
կայացնում է հարթակի միջոցով դիմումն ստանալու
օրվանից 30 օրվա ընթացքում.
Նոր տարբերակ
5) «Օտարերկրացիների մասին» օրենքով և սույն
որոշմամբ նախատեսված կարգով օտարերկրացուն
աշխատանքային գործունեության կամ կամավոր
աշխատանքի հիմքով ժամանակավոր կացության
կարգավիճակ տրամադրելու, մերժելու կամ կացության կարգավիճակի ժամկետը երկարաձգելու վերաբերյալ դիմումը բավարարելու, մերժելու կամ դիմումի հիման վրա հարուցված վարչական վարույթը կարճելու, կասեցնելու կամ հարուցված վարչական վարույթի ժամկետը երկարաձգելու վերաբերյալ, ինչպես
նաև բնակության օրինականությունը հավաստող
տեղեկանք տրամադրելու կամ երկարաձգելու
վերաբերյալ դիմումը բավարարելու, մերժելու կամ
դիմումի հիման վրա հարուցված վարչական վարույթը կարճելու, կասեցնելու կամ հարուցված վարչական վարույթի ժամկետը երկարաձգելու վերաբերյալ
որոշում կայացվում է հարթակի միջոցով դիմումը
ստանալու օրվանից 30 օրվա ընթացքում:
Հին տարբերակ
2. Միգրացիայի և քաղաքացիության ծառայությունը՝
(…)
10) hավաքագրում, մշակում, ամփոփում է Հայաստանի
Հանրապետությունում աշխատանքային գործունեություն
իրականացնող օտարերկրացիների վերաբերյալ
վիճակագրական տվյալները և տրամադրում է
Հայաստանի Հանրապետության վիճակագրական
կոմիտեին։
Նոր տարբերակ
2. Միգրացիայի և քաղաքացիության ծառայությունը՝
(…)
10) հավաքագրում, մշակում, ամփոփում է Հայաստանի
Հանրապետությունում աշխատանքային գործունեություն
կամ կամավոր աշխատանք իրականացնող
օտարերկրացիների վերաբերյալ վիճակագրական
տվյալները և տրամադրում է Հայաստանի
Հանրապետության վիճակագրական կոմիտեին։
Հին տարբերակ
1) գործատուի գրանցումը հարթակում․
ա. գրանցվելու համար գործատուն անցնում է խիստ
նույնականացում՝ նույնականացման քարտի, շարժական
քարտի (mobile ID)՝ իսկ գործատուի գործադիր
մարմնի ղեկավարի օտարերկրյա քաղաքացի լինելու դեպքում՝ սույն ենթակետի «բ» պարբերությամբ նշված
տվյալները Միգրացիայի և քաղաքացիության
ծառայություն անձամբ ներկայացնելու միջոցով,
(…):
Նոր տարբերակ
1) գործատուի գրանցումը հարթակում․
ա․ գրանցվելու համար գործատուն կամ կամավոր
աշխատանքի դեպքում՝ կազմակերպության գործադիր
մարմնի ղեկավարն անցնում են խիստ նույնականացում՝
նույնականացման քարտի, շարժական քարտի (mobile ID), իսկ գործատուի կամ կամավոր աշխատանքի
դեպքում՝ կազմակերպության գործադիր մարմնի
ղեկավարի օտարերկրյա քաղաքացի լինելու դեպքում՝
սույն ենթակետի «բ» պարբերությամբ նշված
տվյալները Միգրացիայի և քաղաքացիության
ծառայությանն անձամբ ներկայացնելու միջոցով,
(…):
Օրենսդրական ակտի անվանումը
ՄՐՑԱԿՑՈՒԹՅԱՆ ՊԱՇՏՊԱՆՈՒԹՅԱՆ ՀԱՆՁՆԱԺՈՂՈՎԻ ՈՐՈՇՈՒՄԸ ՀՀ-ՈՒՄ ԳՅՈՒՂԱՏՆՏԵՍԱԿԱՆ ԱՐՏԱԴՐԱՆՔԻ ՁԵՌՔԲԵՐՄԱՆ ՀԱՐԱԲԵՐՈՒԹՅՈՒՆՆԵՐՈՒՄ ԲԱՆԱԿՑԱՅԻՆ ՈՒԺԵՂ ԴԻՐՔ ՈՒՆԵՑՈՂ ՁԵՌՔ ԲԵՐՈՂԻ ԵՎ ԻՐԱՑՆՈՂԻ ԱՆՀՐԱԺԵՇՏ ՀԱՍՈՒՅԹԻ ՉԱՓԵՐԸ ՍԱՀՄԱՆԵԼՈՒ ՄԱՍԻՆ
Փոփոխության կարգավիճակը
Սույն որոշումն ընդունվել է 27.02.2024 թվականին և ուժի մեջ է մտնելու 2024 թվականի մայիս 6-ից:
Ինչին են վերաբերում փոփոխությունները
Որոշմամբ սահմանվում են Հայաստանի Հանրապետությունում գյուղատնտեսական արտադրանքի ձեռքբերման հարաբերություններում բանակցային ուժեղ դիրք ունեցող ձեռք բերողի և իրացնողի անհրաժեշտ հասույթի չափերը:
Առաջարկ՝
Հայաստանի Հանրապետությունում արտադրված գյուղատնտեսական արտադրանքի ձեռքբերման հարաբերություններում ձեռք բերող կամ իրացնող տնտեսավարող սուբյեկտները պետք է համեմատեն իրենց հասույթի չափը Հանձնաժողովի N 71-Ն որոշմամբ նախատեսված հասույթի չափերի հետ, որոնք գերազանցելու պարագայում տնտեսավարող սուբյեկտը կհամարվի բանակցային ուժեղ դիրք ունեցող՝ ենթակա լինելով այդ կարգավիճակից բխող սահմանափակումների:
ԱՆՀՐԱԺԵՇՏ ՀԱՍՈՒՅԹԻ ՉԱՓԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԳՅՈՒՂԱՏՆՏԵՍԱԿԱՆ ԱՐՏԱԴՐԱՆՔԻ ՁԵՌՔԲԵՐՄԱՆ ՀԱՐԱԲԵՐՈՒԹՅՈՒՆՆԵՐՈՒՄ ԲԱՆԱԿՑԱՅԻՆ ՈՒԺԵՂ ԴԻՐՔ ՈՒՆԵՑՈՂ ՁԵՌՔ ԲԵՐՈՂԻ ԵՎ ԻՐԱՑՆՈՂԻ
1. Հայաստանի Հանրապետությունում արտադրված գյուղատնտեսական արտադրանքի ձեռքբերման հարաբերություններում ձեռք բերող տնտեսավարող սուբյեկտն ունի բանակցային ուժեղ դիրք, եթե միաժամանակ առկա են հետևյալ պայմանները
1) իրացնող և ձեռք բերող տնտեսավարող սուբյեկտների հասույթի չափերը համապատասխանում են հետևյալ հասույթի չափերին.
ա. իրացնող տնտեսավարող սուբյեկտի հասույթի չափը վերջին ֆինանսական տարում կամ գյուղատնտեսական
արտադրանքի ձեռքբերման պայմանագրի կնքման պահին նախորդող 12 ամսում չի գերազանցել 25 000 000 (քսանհինգ միլիոն) ՀՀ դրամը, իսկ ձեռք բերող տնտեսավարող սուբյեկտի հասույթի չափը վերջին ֆինանսական տարում կամ գյուղատնտեսական արտադրանքի գնման պայմանագրի կնքման պահին նախորդող 12 ամսում գերազանցել է 25 000 000 (քսանհինգ միլիոն) ՀՀ դրամը, կամ
բ. իրացնող տնտեսավարող սուբյեկտի հասույթի չափը վերջին ֆինանսական տարում կամ գյուղատնտեսական արտադրանքի գնման պայմանագրի կնքման պահին նախորդող 12 ամսում գերազանցել է 25 000 000 (քսանհինգ միլիոն) ՀՀ դրամը, բայց չի գերազանցել 100 000 000 (հարյուր միլիոն) ՀՀ դրամը, իսկ ձեռք բերող տնտեսավարող սուբյեկտի հասույթի չափը վերջին ֆինանսական տարում կամ գյուղատնտեսական արտադրանքի գնման պայմանագրի կնքման պահին նախորդող 12 ամսում գերազանցել է 100 000 000 (հարյուր միլիոն) ՀՀ դրամը, կամ
գ. իրացնող տնտեսավարող սուբյեկտի հասույթի չափը վերջին ֆինանսական տարում կամ գյուղատնտեսական արտադրանքի գնման պայմանագրի կնքման պահին նախորդող 12 ամսում գերազանցել է 100 000 000 (հարյուր միլիոն) ՀՀ դրամը, բայց չի գերազանցել 500 000 000 (հինգ հարյուր միլիոն) ՀՀ դրամը, իսկ ձեռք բերող տնտեսավարող սուբյեկտի հասույթի չափը վերջին ֆինանսական տարում կամ գյուղատնտեսական արտադրանքի գնման պայմանագրի կնքման պահին նախորդող 12 ամսում գերազանցել է 500 000 000 (հինգ հարյուր միլիոն) ՀՀ դրամը, կամ
դ. իրացնող տնտեսավարող սուբյեկտի հասույթի չափը վերջին ֆինանսական տարում կամ գյուղատնտեսական արտադրանքի գնման պայմանագրի կնքման պահին նախորդող 12 ամսում գերազանցել է 500 000 000 (հինգ հարյուր միլիոն) ՀՀ դրամը, բայց չի գերազանցել 1 500 000 000 (մեկ միլիարդ հինգ հարյուր միլիոն) ՀՀ դրամը, իսկ ձեռք բերող տնտեսավարող սուբյեկտի հասույթի չափը վերջին ֆինանսական տարում կամ գյուղատնտեսական արտադրանքի գնման պայմանագրի կնքման պահին նախորդող 12 ամսում գերազանցել է 1 500 000 000 (մեկ միլիարդ հինգ հարյուր միլիոն) ՀՀ դրամը, կամ
ե. իրացնող տնտեսավարող սուբյեկտի հասույթի չափը վերջին ֆինանսական տարում կամ գյուղատնտեսական արտադրանքի գնման պայմանագրի կնքման պահին նախորդող 12 ամսում գերազանցել է 1 500 000 000 (մեկ միլիարդ հինգ հարյուր միլիոն) ՀՀ դրամը, բայց չի գերազանցել 3 500 000 000 (երեք միլիարդ հինգ հարյուր միլիոն) ՀՀ դրամը, իսկ ձեռք բերող տնտեսավարող սուբյեկտի հասույթի չափը վերջին ֆինանսական տարում կամ գյուղատնտեսական արտադրանքի գնման պայմանագրի կնքման պահին նախորդող 12 ամսում գերազանցել է 3 500 000 000 (երեք միլիարդ հինգ հարյուր միլիոն) ՀՀ դրամը.
2) ձեռք բերող տնտեսավարող սուբյեկտի հասույթի չափն առնվազն տասն անգամ գերազանցում է իրացնող տնտեսավարող սուբյեկտի հասույթի չափը, բացառությամբ սույն հավելվածի 2-րդ կետով նախատեսված դեպքի։
2. Գյուղատնտեսական արտադրանք իրացնող ֆիզիկական անձանցից գյուղատնտեսական արտադրանքի ձեռքբերման դեպքում ձեռք բերողի բանակցային ուժեղ դիրք ունենալու փաստի հաստատման համար իրացնող ֆիզիկական անձանց հասույթի չափ չի դիտարկվում, իսկ ձեռք բերողի դեպքում անհրաժեշտ հասույթի չափ է համարվում վերջին ֆինանսական տարում կամ գյուղատնտեսական արտադրանքի գնման պայմանագրի կնքման պահին նախորդող 12 ամսում 25 000 000 (քսանհինգ միլիոն) ՀՀ դրամը գերազանցող հասույթի չափը։
ՄԱՍ II. ՕՐԵՆԴՐԱԿԱՆ ՆԱԽԱԳԾԵՐ
Օրենսդրական նախագծի անվանումը
«ԻՆՏԵՐՆԵՏՈՎ ՀՐԱՊԱՐԱԿԱՅԻՆ ԵՎ ԱՆՀԱՏԱԿԱՆ ԾԱՆՈՒՑՄԱՆ ՄԱՍԻՆ» ՕՐԵՆՔՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ» ԵՎ ՀԱՐԱԿԻՑ ՕՐԵՆՔՆԵՐՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ ՕՐԵՆՔՆԵՐ
Ինչին է վերաբերում նախագիծը
Նախագծերի փաթեթով առաջարկվում է.
- տարբերակել ինտերնետի միջոցով անհատական ծանուցման եղանակները ֆիզիկական անձանց, անհատ ձեռնարկատերերի և իրավաբանական անձանց համար,
- իրավաբանական անձանց և անհատ ձեռնարկատերերի համար սահմանել բացառապես ինտերնետի միջոցով անհատական ծանուցման եղանակը, որը իրականացվելու Է էլեկտրոնային ծանուցման եղանակով,
- սահմանել, որ իրավաբանական անձը կամ անհատ ձեռնարկատերը համարվում է պատշաճ ծանուցված հարկային օրենսգրքով սահմանված հարկային մարմնի հաշվետվությունների ներկայացման էլեկտրոնային կառավարման համակարգի անձնական էջում տրամադրման ենթակա տեղեկատվությունը տեղադրելու օրվանից, որը հավաստվում է էլեկտրոնային համակարգի կողմից,
- սահմանել, որ տեղեկատվության տեղադրման մասին տվյալ իրավաբանական անձը կամ անհատ ձեռնարկատերը տեղեկացվում է հարկային մարմնի հաշվետվությունների ներկայացման էլեկտրոնային կառավարման համակարգի «Անձնական գրասենյակ» բաժնում լրացված էլեկտրոնային փոստի հասցեով:
Նշված փոփոխությունը հիմք է մի շարք նյութական և ընթացակարգային ակտերում փոփոխություններ իրականացնելու՝ կապված իրավաբանական անձանց և անհատ ձեռնարկատերերի համար ծանուցման եղանակների հետ, մասնավորապես՝ Հարկային օրենսգրքում, Քաղաքացիական դատավարության օրենսգրքում, Վարչական դատավարության օրենսգրքում և այլն: Այս կապակցությամբ հարկ է նշել, որ ծանուցումների թվայնացումը բնական, անհրաժեշտ և օրինաչափ գործընթաց է, որը պետք է հետագայում տարածվի նաև ֆիզիակական անձանց հետ հարաբերություններում։ Սակայն, կարևորվում է նաև որոշակիությունը և պատշաճությունը այս գործընթացում՝ որպես սուբյեկտի իրավունքների և օրինական շահերի արդյունավետ ապահովման նախապայման։ Ուստի՝ այս առումով բացառապես հարկային մարմնի անձնական էջը որպես միակ տարբերակ սահմանելու դեպքում խաթարվում են այն իրավաբանական անձանց կամ անհատ ձեռնարկատերերի շահերը, ովքեր երկար ժամանակ գործունեություն չեն ծավալում և չեն հաշվառված հարկային մարմնի հարթակում։ Արդյունքում, բացակայելու է նման սուբյեկտներին ծանուցելու տարբերակը սահմանող իրավական հիմքը և ցանկացած ծանուցում կարող է հեշտությամբ համարվել ոչ պատշաճ:
Հոդված 11. Պետական եւ տեղական ինքնակառավարման մարմինների կողմից իրավաբանական անձանց եւ անհատ
ձեռնարկատերերին իրականացվող անհատական ծանուցումը ինտերնետի միջոցով
1. Պետական եւ տեղական ինքնակառավարման մարմինների կողմից իրավաբանական անձանց եւ անհատ
ձեռնարկատերերի անհատական ծանուցումն իրականացվում է սույն հոդվածի 2-րդ մասով սահմանված էլեկտրոնային
ծանուցման եղանակով:
2. Իրավաբանական անձը կամ անհատ ձեռնարկատերը համարվում է պատշաճ ծանուցված Հարկային օրենսգրքով
սահմանված հարկային մարմնի հաշվետվությունների ներկայացման էլեկտրոնային կառավարման համակարգի անձնական
էջում տրամադրման ենթակա տեղեկատվությունը տեղադրելու օրվանից 3 աշխատանքային օր հետո, եթե այլ բան
նախատեսված չէ օրենքով, որը հավաստվում է էլեկտրոնային համակարգի կողմից: Տեղեկատվության տեղադրման մասին
տվյալ իրավաբանական անձը կամ անհատ ձեռնարկատերը տեղեկացվում է հարկային մարմնի հաշվետվությունների
ներկայացման էլեկտրոնային կառավարման համակարգի «Անձնական գրասենյակ» բաժնում լրացված էլեկտրոնային
փոստի հասցեով: Անձը համարվում է պատշաճ ծանուցված սույն մասով սահմանված կարգով՝ անկախ սույն մասի երկրորդ
նախադասությամբ նախատեսված տեղեկացումից:
3. Պետական եւ տեղական ինքնակառավարման մարմինների կողմից իրավաբանական անձանց եւ անհատ
ձեռնարկատերերի անհատական ծանուցման նպատակով տրամադրման ենթակա տեղեկատվությունը հարկային մարմնի
հաշվետվությունների ներկայացման էլեկտրոնային կառավարման համակարգում տեղադրելու կարգը սահմանում է
Հայաստանի Հանրապետության կառավարությունը:
Գործող տարբերակը
ՀՀ քաղաքացիական դատավարության օրենսգիրք
Հոդված 97.
Դատական ծանուցագիրը էլեկտրոնային
հաղորդակցության միջոցով ուղարկելը
1. Պետական և տեղական ինքնակառավարման մարմնին,
իրավաբանական անձին, անհատ ձեռնարկատիրոջը,
ինչպես նաև գործին մասնակցող անձի՝ փաստաբանի
կարգավիճակ ունեցող ներկայացուցչին հասցեագրված
դատական ծանուցագիրն ուղարկվում է նրա պաշտոնական էլեկտրոնային փոստին, բացառությամբ այն դեպքերի, երբ նման եղանակով ծանուցում իրականացնելն անհնար է:
ՀՀ վարչական դատավարության օրենսգիրք
Հոդված 63. Պատշաճ ծանուցումը
(…)
3. Իրավաբանական անձանց ծանուցումը կատարվում է
«Ինտերնետով հրապարակային և անհատական
ծանուցման մասին» Հայաստանի Հանրապետության
օրենքի 10-րդ հոդվածով սահմանված կարգով։
Նախատեսվող փոփոխությունը
ՀՀ քաղաքացիական դատավարության օրենսգիրք
Հոդված 97.
Դատական ծանուցագիրը էլեկտրոնային
հաղորդակցության միջոցով ուղարկելը
Իրավաբանական անձանց եւ անհատ ձեռնարկատերերին
ծանուցումը կատարվում է «Ինտերնետով հրապարակային եւ անհատական ծանուցման մասին» օրենքի 11-րդ հոդվածով սահմանված կարգով:
ՀՀ վարչական դատավարության օրենսգիրք
Հոդված 63. Պատշաճ ծանուցումը
3. Իրավաբանական անձանց եւ անհատ
ձեռնարկատերերին ծանուցումը կատարվում է
«Ինտերնետով հրապարակային եւ անհատական
ծանուցման մասին» օրենքի 11-րդ հոդվածով սահմանված
կարգով:
Օրենսդրական նախագծի անվանումը
«ԴԵՂԵՐԻ ՄԱՍԻՆ» ՀՀ ՕՐԵՆՔՈՒՄ, «ԳՈՎԱԶԴԻ ՄԱՍԻՆ» ՕՐԵՆՔՈՒՄ ԵՎ ՀԱՐԱԿԻՑ ՕՐԵՆՔՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՆԵՐԻ ՆԱԽԱԳԾԵՐԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ ՕՐԵՆՔ
Ինչին են վերաբերում փոփոխությունները
«Գովազդի մասին» օրենքում փոփոխություններ կատարելու մասին» ՀՀ օրենքների նախագծերի ընդունումը նպատակ է հետապնդում առավել հստակ և համապարփակ կանոնակարգելու դեղերի շրջանառության ոլորտը՝ ապահովելով նաև ԵԱՏՄ միասնական կանոնների ներդնումը:
Նախագիծը մշակվել է ՀՀ առողջապահության նախարարության դեղորայքային քաղաքականության և բժշկական տեխնոլոգիաների վարչության և ՀՀ առողջապահության նախարարության «Ակադեմիկոս Էմիլ Գաբրիելյանի անվան դեղերի և բժշկական տեխնոլոգիաների փորձագիտական կենտրոն» ՓԲԸ-ի կողմից: «Գովազդի մասին» օրենքում և «Դեղրի մասին» օրենքում կատարվելիք փոփոխությունները նպատակ են հետապնդում կատարելագործելու դեղերի րջանառության նկատմամբ պետական վերահսկողության գործիքակազմը: Նշված երկու ակտերում նախատեսվում են լրացուցիչ սահմանափակումներ՝ համակողմանի վերահսկելու դեղերի, դեղանյութերի, հետազոտվող դեղագործական արտադրանքի և դեղաբուսական հումքի գովազդը, ներմուծումը և արտահանումը:
Գովազդի մասին ՀՀ օրենք
Գործող տարբերակը
Հոդված 15. Ապրանքների առանձին տեսակների գովազդի առանձնահատկությունները
(…)
7. Արգելվում է դեղերի, բուժտեխնիկայի և բուժական
մեթոդների գովազդը` առանց Հայաստանի
Հանրապետության առողջապահության նախարարության
թույլտվության:
Արգելվում է այն դեղերի, բուժտեխնիկայի և բուժական
մեթոդների գովազդը, որոնց կիրառումը պահանջում է
բժշկի հատուկ նշանակում:
77.4. Դեղերի, բուժտեխնիկայի և բուժական մեթոդների գովազդի թույլտվության տրամադրման կարգն ու այդ
գովազդին ներկայացվող պահանջները հաստատում է
Հայաստանի Հանրապետության կառավարությունը:
Նախատեսվող փոփոխությունը
Հոդված 15. Ապրանքների առանձին տեսակների գովազդի առանձնահատկությունները
(…)
7. Արգելվում է դեղերի, բժշկական արտադրատեսակների
եւ բուժական մեթոդների գովազդը` առանց Հայաստանի
Հանրապետության առողջապահության նախարարության
թույլտվության: Արգելվում է չգրանցված բժշկական
արտադրատեսակների եւ չլիցենզավորված սուբյեկտների
գովազդը: Արգելվում է բժշկի հատուկ նշանակում կամ
հսկողություն պահանջող բժշկական
արտադրատեսակների գովազդը զանգվածային
լրատվության միջոցներով:
7.4. Բժշկական արտադրատեսակների եւ բուժական մեթոդների գովազդի թույլտվության տրամադրման կարգն
ու այդ գովազդին ներկայացվող պահանջները սահմանում
է Հայաստանի Հանրապետության կառավարությունը:
Գովազդի թույլտվության տրամադրման համար գանձվում
է պետական տուրք` «Պետական տուրքի մասին»
Հայաստանի Հանրապետության օրենքով սահմանված
կարգով եւ չափով:
«ԴԵՂԵՐԻ ՄԱՍԻՆ» ՕՐԵՆՔ
Գործող տարբերակը
Հոդված 6. Առողջապահության հարցերով
լիազորված պետական կառավարման մարմնի
իրավասությունը դեղերի շրջանառության պետական
կարգավորման բնագավառում
1. Առողջապահության հարցերով լիազորված պետական
կառավարման մարմինը (այսուհետ` Լիազոր մարմին)
դեղերի շրջանառության պետական կարգավորման
բնագավառում իրականացնում է`
(…)
5) դեղերի շրջանառության պետական կարգավորման
ոլորտում փորձաքննությունների կազմակերպում և
իրականացում:
Նախատեսվող փոփոխությունը
Հոդված 6. Առողջապահության հարցերով
լիազորված պետական կառավարման մարմնի
իրավասությունը դեղերի շրջանառության պետական
կարգավորման բնագավառում
1. Առողջապահության հարցերով լիազորված պետական
կառավարման մարմինը (այսուհետ` Լիազոր մարմին)
դեղերի շրջանառության պետական կարգավորման
բնագավառում իրականացնում է`
(…)
5) դեղերի շրջանառության պետական կարգավորման
ոլորտում սույն օրենքով սահմանված փորձաքննություններ եւ մասնագիտական դիտարկումներ՝ Կառավարության որոշմամբ սահմանված փորձագիտական կազմակերպության միջոցով:
Գործող տարբերակը
Հոդված 7. Դեղերի շրջանառության
պետական կարգավորման ոլորտում փորձաքննությունների
իրականացումը
(…)
2. Դեղերի շրջանառության պետական կարգավորման
ոլորտում փորձաքննությունները վճարովի են,
բացառությամբ օրենքով նախատեսված դեպքերի:
Նախատեսվող փոփոխությունը
Հոդված 7. Դեղերի շրջանառության
պետական կարգավորման ոլորտում փորձաքննությունների
իրականացումը
(…)
2.Դեղերի շրջանառության պետական կարգավորման
ոլորտում փորձաքննությունների համար գանձվում է
պետական տուրք՝ «Պետական տուրքի մասին» օրենքով
սահմանված կարգով եւ չափով, բացառությամբ օրենքով
նախատեսված դեպքերի:
Գործող տարբերակը
Հոդված 16. Դեղերի պետական գրանցումը
(…)
3. Հայաստանի Հանրապետությունում դեղերը գրանցվում են ընդհանուր ընթացակարգով և պարզեցված
ընթացակարգերով: Պարզեցված ընթացակարգը կիրառվում է Հայաստանի Հանրապետության կառավարության որոշմամբ սահմանված միջազգային մասնագիտական կազմակերպությունների անդամ երկրում գրանցված կամ Առողջապահության համաշխարհային կազմակերպության
նախաորակավորած դեղերի համար:
Նախատեսվող փոփոխությունը
Հոդված 16. Դեղերի պետական գրանցումը
(…)
3.Հայաստանի Հանրապետությունում դեղերը գրանցվում
են ընդհանուր եւ պարզեցված ընթացակարգերով, ինչպես
նաեւ ԵԱՏՄ կանոնների համաձայն: Պարզեցված ընթացակարգը կիրառվում է Հայաստանի Հանրապետության կառավարության որոշմամբ սահմանված միջազգային մասնագիտական կազմակերպությունների անդամ երկրի իրավասու մարմնի կողմից (այսուհետ՝ ռեֆերենտ իրավասու մարմին) գրանցված կամ փորձաքննության ենթարկված կամ Առողջապահության համաշխարհային կազմակերպության կողմից նախաորակավորված (այսուհետ՝ նախաորակավորված) դեղերի համար: Պարզեցված ընթացակարգով գրանցվող դեղը պետք է համապատասխանի ռեֆերենտ իրավասու մարմնի կողմից գրանցված (փորձաքննված) կամ նախաորակավորված դեղին՝ բացառությամբ դեղի առեւտրային անվանման կամ գրանցման հավաստագրի իրավատիրոջ: Անկախ ընթացակարգից՝ Հայաստանի
Հանրապետությունում գրանցվող դեղի փաթեթավորումը եւ մակնշումը պետք է համապատասխանի Հայաստանի
Հանրապետության օրենսդրությամբ սահմանված
պահանջներին:
Գործող տարբերակը
Հոդված 21. Դեղերի, դեղանյութերի,
հետազոտվող դեղագործական արտադրանքի և
դեղաբուսական հումքի ներմուծումը և արտահանումը
Գործող կարգավորմամբ բացակայում է:
Նախատեսվող փոփոխությունը
Հոդված 21. Դեղերի, դեղանյութերի,
հետազոտվող դեղագործական արտադրանքի և
դեղաբուսական հումքի ներմուծումը և արտահանումը
(…)
18.Ներմուծողը ներմուծման հավաստագիր ստանալուց
հետո մինչեւ իրացումը իր պատասխանատու անձի միջոցով Հայաստանի Հանրապետության կառավարության սահմանված կարգով իրականացնում է ներմուծված դեղի սերիայի բացթողում՝ հավաստելով դեղի համապատասխանությունը Հայաստանի Հանրապետությունում սահմանված պահանջներին:
Սերիայի բացթողում իրականացնելու համար ներմուծողը
պետք է ունենա դեղերի մեծածախ իրացման լիցենզիա`
սերիայի բացթողման մասին նշումով:
19.Արգելվում է՝
1) իրացնել դեղ՝ առանց սերիայի բացթողման գործընթաց
իրականացնելու.
2) իրացնել դեղ՝ առանց ներմուծման հավաստագրման
ընթացքում սույն օրենքով սահմանված դեպքերում
պարտավորագրով ստանձնած պարտավորությունները
կատարելու:
Գործող տարբերակը
8. Արգելվում է դեղատոմսով բաց թողնվող դեղերի
իրացումն առանց դեղատոմսի:
Նախատեսվող փոփոխությունը
8.Արգելվում է դեղատոմսով բաց թողնվող դեղերի
իրացումն առանց դեղատոմսի կամ Հայաստանի
Հանրապետության օրենսդրությամբ սահմանված պահանջներին չհամապատասխանող ձեւաթղթերի վրա
դուրս գրված դեղատոմսերով:
Գործող տարբերակը
9. Արգելվում են դեղատոմսով բաց թողնվող դեղերի
դեղատոմսերի լրացումը, դուրսգրումը և իրացումը
Հայաստանի Հանրապետության օրենսդրությամբ
չսահմանված ձևաթղթերի վրա:
Նախատեսվող փոփոխությունը
9.Արգելվում է Հայաստանի Հանրապետության
օրենսդրությամբ սահմանված պահանջներին
չհամապատասխանող ձեւաթղթերի վրա դեղատոմսերի
դուրսգրումը:
Գործող տարբերակը
Հոդված 29. Պետական վերահսկողությունը
դեղերի շրջանառության ոլորտում
1. Դեղերի շրջանառության ոլորտում պետական
վերահսկողությունն իրականացնում է Հայաստանի
Հանրապետության կառավարության լիազորած՝
վերահսկողություն իրականացնող տեսչական մարմինը`
Հայաստանի Հանրապետության օրենքով սահմանված
կարգով:
2. Հայաստանի Հանրապետությունում շրջանառվող
դեղերի, դեղանյութերի, դեղաբուսական հումքի և
հետազոտվող դեղագործական արտադրանքի որակը պետք է համապատասխանի սույն օրենքով սահմանված
պահանջներին:
Նախատեսվող փոփոխությունը
Հոդված 29. Պետական վերահսկողությունը դեղերի
շրջանառության ոլորտում
1.Դեղերի շրջանառության ոլորտում պետական
վերահսկողությունն իրականացնում է Հայաստանի
Հանրապետության կառավարության լիազորած՝
վերահսկողություն իրականացնող տեսչական մարմինը
(այսուհետ՝ Տեսչական մարմին)` Հայաստանի
Հանրապետության օրենսդրությամբ սահմանված կարգով:
2.Հայաստանի Հանրապետությունում շրջանառվող
դեղերի, դեղանյութերի, դեղաբուսական հումքի եւ
հետազոտվող դեղագործական արտադրանքի որակը,
փաթեթավորումը, պիտակավորումը, մակնշումը եւ
օգտագործման հրահանգը (ներդիր-թերթիկը) պետք է
համապատասխանեն սույն օրենքով սահմանված
պահանջներին:
3.Տեսչական մարմնի կողմից վերահսկողության
շրջանակներում վերցված կամ հսկիչ գնմամբ ձեռք բերված
դեղերը, դեղանյութերը եւ դեղաբուսական հումքը
փորձաքննության անհրաժեշտության դեպքում
ներկայացվում են սույն օրենքի 7-րդ հոդվածով
սահմանված փորձագիտական կազմակերպություն: Սույն
հոդվածով սահմանված փորձաքննություններն
իրականացվում են պետական պատվերի շրջանակներում:
4.Տեսչական մարմնի պաշտոնատար անձի կողմից
վերահսկողության շրջանակներում վերցված կամ հսկիչ
գնմամբ ձեռք բերված դեղի եւ գրանցամատյանում առկա
տվյալների, այդ թվում՝ գրանցված դեղի տվյալների
(առաջնային եւ (կամ) արտաքին փաթեթի, պիտակի,
մակնիշի կամ օգտագործման հրահանգի (ներդիր-թերթիկի) համադրման արդյունքում անհամապատասխանություն արձանագրելու դեպքում տվյալ դեղի՝ Հայաստանի Հանրապետությունում գրանցված չլինելու հանգամանքը համարվում է պարզված: Նշված դեպքում տվյալ դեղը սույն հոդվածի 3-րդ մասով սահմանված կարգով փորձաքննության կարող է ներկայացվել միայն այլ փաստական հանգամանքի ուսումնասիրման համար: